גאז פרייזען הייבען אן אראפ גיין !, פארואס ?

אין די לעצטע וואך איז אויל זייער געפאלען
די שאלה איז פארוואס
פארוואס איז עס ארויף אין פארוואס איז עס יעצט אראפ ווער עס ווייסט איז מכובד צי זאגען

פארן זעלבע סיבה פארוואס עס גייט ארויף, פחד ודמיון.

למשל אויב שרעקן זיך די שפעקולאנטן אז ס'גייט זיין א נידריגערע פארלאנג פאר אויל, וועגן זייטיגע ענערגיע כחות, אדער וועגן נייע אויל גרובער, דאן פאלט די פרייז

עצה טובה, מ'דארף נישט מער ווי א רעגירונג זאל ארויסלאזן אז זיי האבן געטראפן, ביליאנער פעסלעך אויל ביי זיי, די פרייז זאל טראסקענען, אדער אז איינער זאל מעלדן אז ס'יז דא א גוטע וועג צו ריפלעיסן אויל, אוי הלואי...

בני היכלא זייער שיין ארויס געברענגט און קורצען.

עס איז דא צוויי סברות איבער דעם נושא, פארוואס די גאז האט געטראסקעט,

1) היות פרעזיענט בוש ירום הודו, האט פאר צוויי וואכן צוריק אראפ גענומען דעם פארבאט אויף אויל דרילינג, האבן זיך גענומען שפעקולירן, דורך אונזער הויעך געשפיצטע שפעקולאנטן, געוויסע שפעקולאציעס אז עס וועט פאלן, און כדרכו של עולם(גיי ווייס פארוואס) האט עס געטראסקעט מיט איבער 20 טולער.

{היינט איז ארויס געקומען די נייעס אז הערי ריעד דער פירער פון סענאט, האט ערלויבט ארויף צו ברענגן אויפן טיש, אן ענערגיע ביל פון די ריפובליקאנער, איינס פון די זאכן אין דעם ביל, איז אראפ צו נעמען דעם אויל דרילינג פארבאט, אדאנק דעם דרייען זיך שוין ארום שפעקולאציעס, אז עס וועט נאך מער טראסקענען}

2) דאס איז שוין א סברה וואס האט אין זיך א ערענעסטער באדייט, דהיינו, היות די געז איז ארויף געשפרינגן אויף א מאסשטאבליכן פארנעם, אזש ביז עס האט ערענסט אנגעפאנגן צו בארירן די קעשענעס פונם אמעריקאנעם פאלק(גם אני בתוכם...), האט דער עולם אויפגעהערט זיך צו באניצען מיט זאכן וואס ציען צופיל גאזאלין ווי קארס וכדו',(לידיעה: אמעריקא ניצט 80 פראצענט פון דעם וועלטליכן גאז באניץ), און דער אויסקים דערפון איז געווען אז עס איז געווארן א קלענערן פארלאנג אויף גאז, האבן די ישמעלים זיך דערשראקן אז זיי גייען בלייבן מיט פולע ארסענאלן, און נישט האבן פאר וועם עס צו פארקויפן, האבן זיי שנעל אראפ גערוקט דעם פרייז, און אזוי גייט דער גלגל ווייטער.

אינטערסאנט צו באמערקן, ווען די פרייז פאלט אויפן נאציאנאלן מארקעט, געדויערט עס א שטיק צייט ביז מ'דערקענט עס אויפן פאמפ, אבער ווען עס שטייגט נאציאנאל, שטייגט עס תיכף ומיד.(פונקט ווי אין די בענק, אונזערע עלטערן פלעגן ארויס געבן א טשעקל, און וויסן אז זיי האבן נאך צייט צו דעקן דעם טשעק א טאג צוויי ביז עס גייט אריבער, אבער היינט זינט אלעס איז געווארן עלעקטאראניש, איז תיכף ווען מ'דיפאזיט א טשעק, אויב האט עס נישט קיין דעקונג האט עס א מעגליכקייט צו קראכן, אבער אויף פארקערט צו קענען האבן תיכף די געלט, דא פארגעסן זיי פון אונזער נייע טעכנאלאגישע וועלט)

א שיינער אנאליז מיסטער פרעזידענט.

עס דערקענט זיך אויף אייך דאס איר זענט אויסגעקאכט אינעם נושא.

פון דער אנדערער זייט מטבע, לאזט זיך הערן געוויסע קלאנגען אז די רעגירונג האט געוויסע אינטרעסען, די מצב זאל אזוי אנהאלטן א וויילע, איי די עקאנאמיע ווערט אריינגעטראגן אין שאול, דאס איז דאך סיי ווי אינשורד ביי די עף די איי סי, אבער מינווייל, קען מען טון דראסטישע שריט, און אלטערנאטיווע ענערגיע קוועלער, און אין הייבריד און סאלער קראפט, אדער נייע אויל גרובער, די אלע אויסגערעכנטע זאכן, וואלט ווען קיינמאל נישט פאסירט אין א רויטן דאנערשטאג, ווען נישט די שווערע צייטן היינט.

עס קוקט אויס מער ווי א קאנספיראציע טעאריע, אבער נעווער נאו.

עס איז דא א ענליכע טעאריע איבער דעם שוואכן דאלר, אז די רעגירונג וויל אז די דולר זאל טראסקענען, כדי מען זאל אויפהערן צו טראגען ביזנעסער קיין טשיינע, פיליפינען וכדו'.

רעיגען
אזוי ווי דו זאגסט ס'קוקט אויס ווי א קאנספירעסי, אבער מ'קען זאגן אז ווייל ס'שוין סיי ווי אזוי ווי ס'איז יעצט, קענען זיי שוין באשטיין, עט ליעסט די רעכטע זיכער. יעצט איז זייער בעסטע צייט צו מאכן א קעיס אין עלעסקע.

יעצט האלט מען שוין אז ס'האט צוריק אנגעפאנגן ארויף צו גיין, פאריגע וואך איז א פעסל ארויף מיט בערך 7 דאלער פון 121 צו 128.

אפשר איז עס וועגן דאס וואס דו שרייבט וועגן די דעמקראטן ווילן נישט לאזן גרובן.

לאמיר האפען אז וועט נישט ארויף גיין ווייל איך האב נישט אזוי פיל געלט פאר געז עס איז א הימל געשריי

פארוואס טוסטו נישט פונקט אזויווי אונזער - געטרייער מעיאר מר. בלומבערג יר"ק (ירום קרנו), וואס וויל צולייגן נאך טעקס צום גאזאלין - און ניץ פאבליק טראנספארטאציע?(פארשטייט זיך נאר ווען יעדער זעט).

ר' יעקל איי עם אלל די וועי ווי יו!!

מען קען מער נישט. הערטס אויף דארטן. וויפיל איז די שיעור פון ארויפגיין מיט געז??????

רעיגען.
ווייל פובליק טראנספארטאציע נוצט אויך גאז, ער וויל נישט שטיצן איינער וואס קויפט טייערע געז.

יעצט האלט עס בערך ביי $119 א פעסל, לאמיר האפן אויף נפול תפול אלל דע וועי !!

א היינטיגער באריכט,

היי יאר חודש JONE, האבן אמעריקאנע בירגער געדרייווט מיט 12.2 ביליאן מייל ווייניגער ווי פאראיאר אין JONE, צוליב די הויעכע געז פרייזן.

אויל איז היינט געשטיגן מיט פיר דולר אלץ זארג איבער רוסלאנד.

אידן זייטס מתפלל עס הערט נישט אויף שטייגן, עס איז שוין געשטיגן מיט נאך צוויי דולר, א קימא לן פון זעקס דולר אונעם היינטיגן טאג.

איך קען נישט גלייבן די ווילסט מיר זאגן אז ביי די געז סטעישן צאלט מען יעצט 6 דאלער פער גאלאן?

ח"ו! רח"ל ווען מיר האלט מיר שוין דארט.

די פרייזן לויפן אויף א גאנצען פעסל, און היינט איז דער פאס גרעבער געווארן מיט זעקס דולר.

אה אקעי ניחמתני בני ניחמתני

איינער קען מיר ווייזן א פיקטשער וויזוי דער טרויעריג בארימטער פעסל זעט אויס ?...

אז אונזער קאנגרעס וועט מסכים זיין צו גראבן דא אין אונזער שכינות וועל איך דיך נעמען אויף א טריפ קיין אלאסקע ווייזן א פעסל, דעמאלטס וועט עס שוין האפענטליך נישט זיין אזוי טרויעריג.

עס הערט נישט אויף צי טראסקען די אויל פרייזן, היינט האלט עס שוין ביי אינטער 106 א פעסל, דאס איז מיט בערך 10 דולר ווייניגער ווי פאריגע וואך פרייטאג.

די טראסק קומט אין רעזולטאט פון גוסטאוו וואס מען האט זיך גערישט אז ער וועט מאכן גרויסע שאדן, און היות די שאדן איז נישט געווען ווי געראכטן האט מען יעצט אויסגעדרייט די בליקן צו די שוואכע עקאנאמיע און א דאנק דעם האט עס געטראסקט, און ווי עס קוקט אויס וועט עס ווייטער אזוי אנגיין.

איראן האט היינט געזאגט ביי א מיטינג פון אפעק לענדער אין ווין אז מען דארף אנפאנגעם צו פראדוצירן ווייניגער אויל ווייל עס גייט שוין צופיל אראפ און 100$ א פעסל איז א מינימום

אנטעסימיטן וואס זיי זענען!

אנטי-אמעריקא-סיטן וואס זיי זענען

אויל האט היינט ווייטער געטראסקט און עס האלט שוין איצט גאר נאנט צי הינדערט דאלר א פעסל, 101.57 א פעסל, עס איז שווער צי גלייבן אז עס וועט צי לאנג אנהאלטן אויף דעם שטאפל אבער לאמיר האפן אז יא.

כ'ווייס נישט אויב עיס איז א טובה אז די אויל גייט אראפ
עס וועט נאר דויערען לענגער פאר די אלטערנאטיווען זיך צי אנטוויקלען
אין מען זאל קענען פטור ווערען פין די אויל גנבים

אפעק האט באשלאסן צו שניידן 500,000 פעסלעך פונעם טעגליכן פראדוקציע

ווייל דו פרייזן גייען שוין צופיל אראפ

ימח שמם...

ביזדערווייל גייט ווייטער אן דער אויל טראסק, עס האט שוין היינט דערגרייכט צי אינטער 96 דולר א פעסל, אלעס א דאנק דעם וואס האריקען אייק האט נישט אנגעמאכט צופיל צרות, ווי אויך א דאנק די עקאנאמישע צאמבראך וואס גייט ווייטער און ווייטער ספעציעל מיט די בענקראפסי פון לעמאן ברידער.

באלד גייט מען שוין טיילן אויל פאר פרי...........

געצאלט היינט 2.56 אין נוי דזשורזי.

איינער מיר געזאגט אז ער האט געצאלט אין ניו דזשערזי 2.39

קען זיין, מסתמא ביי א פארשטיפטע געז סטעשאן, מיט נישט קיין באקאנטע קאמפעני נאמען.
היינט האב איך געצאלט 2.45

2.41 today

געצאלט היינט 2.31